Baina orain horrela utzi dute Kandidatura Independientekoek, inori ezer esan barik, inorekin ezer kontsultatu barik.

Baina Zaratamoko BILDUk deituta herritarrok omenaldia egin genien ikurriñari eta Nafarroa bizirik mantentzearren horrenbeste lan egin duten nafarrei

Espainako inperialismoak ez du neurririk eta haien obsesio bakarra da argi geratzea nork agintzen duen eta nor den menpeko. Horregatik ejerzitoarekin zein legeen bidez ahalegintzen dira euskaldunon menpekotasuna agerian uzten. Eta horretarako askotan haien agindukerien aurrean men egin eta belauniko jartzen diren agintariak topatzen dituzte.

Baina bagaude men egiteko prest ez gaudenok, gure herria eta gure ikurra defendatzeko prest gaudenok. Horrela erakutsi genuen lehengo egunean eta udaletxeko balkoian ikurriñarekin batera Nafarroako kateak eta Arrano Beltza ere jarri genituen.

aldizkaria aurrekontuak

Urtarrileko udalbatzarrean 2012ko aurrekontua onartu zen PIGHen aldeko botoekin, EAJren abstenzioarekin eta BILDUren kontrako botoekin.
Aurrekontua onartu da BILDUri negoziatzeko inolako aukerarik eman barik. Horregatik, BILDUk onartutako aurrekontuari honako ERREKLAMAZIOAK aurkeztu dizkio:
Eskola publikoak hezkuntza-proiektua aurrera eramateko udalari idazki bat aurkeztu zion eta bertan, zer behar zuen agertzen zion. Onartutako aurrekontuan ikusi dugu gobernu taldeak ez diola jaramonik egin eskaerari. Eskolak eskatutakoaren aldean, askoz diru gutxiago ematea onartu dute. Horrek eragingo du hainbat aktibitate bertan behera utzi behar izatea. Horrez gain, gurasoen elkartearen bizkar utzi nahi dute udalaren ardura diren hainbat zeregin. BILDUk erreklamazioetan planteatu du eskolari  ematea idazkian agertutako kopuru osoa, hau da, 15.070 €.
Kanpoko hirigintza zerbitzu teknikoetan eta juridikoetan alferrikako diru partidak onartu dira, bertoko langileek bete ahal dutenean zeregin hori. Horregatik BILDUk eskatu du asesoria juridikoa eta ekonomikoan kasu puntualetarako  bi partida mantentzea bata 34.200 €koa eta beste bat 10.100 €koa.
Bestetik ikusi dugu aparejadorearen kontratazioan %38 gehiago gastatzea onartu dutela. BILDUren planteamendua da partida hori 2011ko maila berean  mantentzea.
BILDUk oso kezkatuta ikusi du GIZARTE ONGIZATEKO partidan murrizketa handia onartu dutela. 2011ko iraila bitartean, urtea amaitzeko oraindik  hiru hilabete falta zirenean, etxez etxeko languntzaileetan eta menpekotasun zerbitzuetan 182.000 € gastatuak ziren arren, 2012 osorako aurreikusi dute %28 gutxiago gastatzea, hau da, 63.320 € gutxiago. BILDUk uste du udalak ahalegin berezia egin beharko lukeela, beharizan gehien dutenei zerbitzua eskaintzeko, horregatik erreklamazioan eskatu du partida horretan 229.675 € onartzea.
Herriko taldeei eman beharreko subentzioetan betikoan gaudela ikusi dugu. Beti bezala, alkateak berak erabaki du zeini eta zenbat diru eman. Aukera berdintasuna ez da bermatu herriko taldeen artean. BILDUk erreklamazioetan planteatu du diru kopuru osoa mantentzea, eta gero deialdi publiko baten ostean, kultura batzordeak baldintzak betetzen dituzten guztien artean banatzea dirua.
Madriletik legez eta dekretuz inposatu nahi digute zelako lan-harremanak izan gure erakunde publikoetan. Eta Zaratamoko gobernu taldeak inposaketaren aurrean, bi aldiz pentsatu barik, langile publikoei ezarri behar zaizkien murrizketak onartu ditu aurrekontuan. BILDUk inposaketari aurre egitea planteatzen du eta Euskal Herrian landutako akordio markoa hartzea eredu lan-hitzarmenean. Horretarako eskatu dugu 1. kapitutuan diru gehiago aurreikustea.

Baina, “nahikoa da” esateko ordua heldu da. Aldaketa politiko eta sozial baterako inoiz baino premia handiagoa dugu. Erakunde publikoek duten dirua guk herritarrok eman diegu eta guk herritarrok esango diegu diru hori zelan eta zertan gastatu. Aurrekontuetako dirua gutxien dutenen beharrak asetzera bideratu behar dugu. Horretarako herritarrok erabaki behar dugu zertan gastatu dagoen dirua.

BILDUk hauteskunde kanpainan esan zuen Zaratamon  aurrekontua herritar guztion artean egin behar genuela. Gure ustez aurrekontua behetik gora osatu behar da, eta herritarrok esan behar dugu zertan gastatu udalaren  diruak.

Horretarako, BILDUkook auzo guztietara joango gara eta auzokideekin egongo gara, Zaratamoko herritar guztiok hitza izan dezagun. Guztien iritzia kontuan hartuta ahaleginduko gara 2012ko aurrekontua osatzen.

Guztion iritzia OSO INPORTANTEA delako, dei egiten dizuegu parte har dezazuen auzoetan egingo ditugun batzarretan.

PARTE HARTU!!!

EUSKAL HERRIKO EMAITZAK

FORU HAUTESKUNDEAK

Botoak: 315.478

Araba: 31.777

Bizkaia:121.778

Gipuzkoa: 119.084

Nafarroa: 42.839

UDAL HAUTESKUNDEAK

Botoak: 313.231

Araba:31.905

Bizkaia: 124.772

Gipuzkoa:119.537

Nafarroa: 37.017

Eta ZARATAMON BOROBILDU

UDALA HAUTESKUNDEAK

BIZKAIKO BATZAR NAGUSIAK

Bihotz-bihotzez eskerrik asko Zaratamon BILDU zareten guztioi